ماوه‌ی چه‌ند هه‌فته‌یه‌كه به شێوه‌یه‌كی شێتانه ئیداره‌ی كه‌ناڵی وه‌رزشی بین سپۆرت", به‌ربۆته وێزی بینه‌ره‌كانیان و بێ ڕه‌حمانه و به‌بێ گه‌ڕانه‌وه بۆ مافی ئه‌وانه‌ی خاوه‌نی كاره‌ته‌كانی ئه‌و كه‌ناڵه‌ن بۆ بینینی یاریی خوله‌كانی (ئینگلیزی و ئیتاڵی و ئیسپانی) هتد. له ئێستادا هه‌یه ته‌نیا بۆ ماوه‌ی شه‌ش مانگ و تا 31\5 مافی بینینی یارییه‌كانی هه‌یه و نزیكه‌ی (100) دۆلاری ئه‌مریكی پێ داوه, كه‌چی ئه‌و كه‌ناڵه له‌سه‌ر وه‌ختی قوڵبوونه‌ی كۆتایی یارییه‌كان و ئیداره‌كه‌ی هه‌ستاون به‌كردنه‌وه‌ی چه‌ند كه‌ناڵێكی دیكه و له‌وێ وه یارییه‌كانی ئه‌و خولانه‌ی باسكران ده‌گوازنه‌وه و بینه‌ره‌كانیان ناچار و بێزار كردووه, یا ده‌بێت یارییه‌كان نه‌بینین, یاخود ده‌بێت جارێكی دیكه ئیشتراكی كه‌ناڵه‌ی (hd 11, 12) بكه‌ن, كه ئێستا ئه‌و دوو كه‌ناڵه یارییه‌كان ده‌گوازنه‌وه و نرخه‌كه‌یشی زۆر گرانه. به‌ڵام ڕاستی بابه‌ته‌كه ئه‌وه‌یه له‌م كاته‌دا و دوایی بردنه‌وه و به‌ده‌ست هێنانی یارییه‌كانی چوار گۆشه‌ی زێڕینی خولی یانه‌كانی ئه‌وروپا و جامی جیهانی له‌لایه‌ن كه‌ناڵه‌كانی (zdf), كه‌ناڵه‌كانی بین سپۆرت" نزیكه‌ی (75) ملیۆن دۆلار زیانیان پێ ده‌گات. بۆیه ناچار بین سپۆرت" ده‌بێت سزای بینه‌ره‌كانی خۆی بدات و ئه‌و بڕه پاره‌یه قه‌ره‌بوو بكاته‌وه كه باسمان كرد. ئه‌وه جگه له‌وه‌ی ئیداری بین" سه‌رجه‌م هه‌وڵه‌كانی خۆیان خستۆته گه‌ڕ بۆ ئه‌وه‌ی ئیداری كه‌ناڵه ئه‌ڵمانیه‌كه ناچار بكه‌ن به كارت, یاخود ئه‌و یاریانه‌ی باسكران په‌شیمان بكه‌نه‌وه له گواستنه‌وه‌ی. جگه له‌وه‌یش ئه‌و كه‌ناڵه له ساڵی (1998)دا په‌خشی خۆی به‌ڕه‌سمی ده‌ست پێكردووه و یه‌كێكه له‌و كه‌ناڵه دیارانه‌ی حكومه‌تی ئه‌ڵمانیا, كه توانایه‌كی باشی هه‌یه له‌ڕووی گوستنه‌وه و وه‌شانكردنی پاڵه‌وانێنییه دیار و گه‌وره‌كان, ئه‌و كه‌ناڵه به جامی جیهانی و بردنه‌وه‌ی ئه‌و خوله گه‌وره‌یه‌وه نه‌وه‌ستا, به‌ڵكو چه‌ند ڕۆژێكه مافی ئه‌وه‌یشی به‌ده‌ست هێنا, كه یارییه‌كانی قۆناغی پێش كۆتایی خولی یانه پاڵه‌وانه‌كانی ئه‌وروپا و خولی ئه‌وروپا لیگ واشان بكه‌ن.
نوسینی: هه‌وراز كاوه
ليست هناك تعليقات:
إرسال تعليق