پیرمێردی شاعیر له‌ شعرێكیا ده‌ڵێ ..

ئه‌گێرنه‌وه‌ ئه‌ڵێن سه‌رده‌مێ
به‌رخێ تینوو بوو هاته‌ سه‌رچه‌مێ

له‌ولاوه‌ گورگێك به‌فێڵ و درۆ
له‌گه‌ڵ به‌رخه‌كه‌ كه‌وته‌ گفت و گۆ

وتی تۆ كاری چه‌وت و چێڵ ئه‌كه‌ی
به‌رخه‌كه‌ ئاوم له‌سه‌ر لێڵ ئه‌كه‌ی

به‌رخه‌كه‌ وتی : گه‌وره‌م كه‌ی وایه‌
ئه‌مه‌ی تۆ ئه‌یڵێ ی زۆر ناره‌وایه‌

ئاوێ له‌لای تۆ به‌ره‌و لای من بێ
ئه‌بێ چۆن چۆنی و چۆنها لێخن بێ

گورگه‌كه‌ وتی به‌رخی ناله‌بار
له‌بیرت نایه‌ جوێنه‌كانی پار

به‌رخه‌كه‌ وتی گه‌وره‌م سه‌ردارم
به‌رخی ئه‌مساڵم نه‌وه‌ك هین پارم

خۆ تۆ فه‌رموت پار پارم نه‌دیوه‌
ته‌نها سێ مانگم ته‌مه‌ن بریوه‌

گورگه‌ كه‌ وتی واشبێ ته‌واوه‌
باوكو باپیرت جنێویان داوه‌

ئه‌بێ ئه‌م تۆڵه‌ت هه‌رپێ برێژم
كه‌ڵبه‌م له‌ دونگی نه‌رمتا بچێژم

له‌سایه‌ی ده‌ستی جه‌وری سته‌مكار
ئه‌چه‌وسێته‌وه‌ بێ ده‌ستی هه‌ژار