ڕاجی شاعیر له‌چه‌ند دێرێكدا...

راجى ناوى ته‌واوى (مه‌لا عه‌بدورره‌حمانى كورى مه‌لا ئیبراهیم)ه‌له‌تیره‌ى مكایه‌ڵى هۆزى جافى شاره‌زوورییه‌ باپیرى ناوى مه‌لا مه‌حمودى كورى بارامه‌كه‌ناسرابوون له‌ ساڵى (1912)له‌شارى( كۆیه‌ )له‌دایك بووه‌ دایكى ناوى (هه‌مین)ه‌ كچى حاجى قادرى كۆیه‌ به‌ڵام نه‌ك حاجى قادرى شاعیر. له‌ساڵى( 1920)و له‌ته‌مه‌نى (8)ساڵیدا له‌لاى باوكى ده‌ستى به‌خوێندن كردووه‌ له‌دێى (گه‌ڵه‌نێرى)ى سه‌ربه‌ناحیه‌ى (چناران)ى قه‌زاى رانیه‌دواى ئه‌وه‌ى هێزێكى له‌ خوێندن وه‌رگرتووه‌چۆته‌ كۆیه‌ له‌قوتابخانه‌ ناوه‌ندییه‌كان خوێندویه‌تى له‌ساڵى (1926)دابۆ هه‌وڵى خوێندن له‌ناوچه‌كانى مه‌رگه‌وسوله‌یمانى وخۆشناوه‌تى دا گه‌راوه‌ له‌ ساڵى (1929)دا هاتۆته‌وه‌بۆقوتابخانه‌ گه‌وره‌كانى كۆیه‌به‌راستى به‌ هه‌مووزانسته‌كانه‌وه‌خه‌ریك ماوه‌و موتاڵاى كتێبه‌كانى قوتابخانه‌ ره‌سمیه‌كانیشى كردووه‌ وه‌كو (حیساب و هه‌نده‌سه‌و جه‌برو جوگرافیاو..هتد)زۆر تێكۆشاوه‌و كه‌ گیرو گرفت ومونافه‌سه‌ى نێوان قوتابى دینى وقوتابى ره‌سمى لابه‌رێ وبرایه‌تى زانیارى په‌یدا ببێ تا به‌ چاوى خۆى دیتى راجى له‌زانستى (نحو،صرف،منتق،به‌لاغه‌،به‌یان،عه‌قائید،اَصول وفروع)شاره‌زایى په‌یداكردووه‌له‌ساڵى (1937)بروانامه‌ى دواى مه‌جلیسى عیلمى وه‌رگرتووه‌ له‌لاى خوالێخۆشبووجه‌نابى(مه‌لا به‌هادین كورى مه‌لا شێخ ته‌یب-ئیمام وخه‌تیبى مزگه‌وتى بایز ئاغاى كۆیه‌و لاى ئه‌ ندامانى مه‌جلیس كه‌ بریتى بوون له‌(مه‌لا صادقى دایه‌ خه‌جێ ومه‌لا عه‌لى باداوه‌یى وحاجى مه‌لا ئیبراهیمى زینۆیى و وه‌كیلى قازى شه‌رعى وكاتبى عه‌دل بروانامه‌كه‌ى له‌لایه‌ن ئه‌وبه‌رێزانه‌وه‌به‌ژماره‌ى(56)له‌ته‌ئریخى 1356/2/18)كۆچى به‌رامبه‌ر به‌ 1937/4/29)زاینى به‌م ده‌ره‌جانه‌ى خواره‌وه‌ته‌ سدیق وئیمزا كراوه‌))((((''راجى'' له‌ (1939/9/22)ژنى هێناوه‌ كه‌ناوى مامزى كچى عه‌بد بووه‌ له‌شارى كۆیه‌ له‌به‌ر ئه‌وه‌ له‌ژنى یه‌كه‌م خودا هیچ منداڵى پێ ره‌وا نه‌دیت و زۆر ساردو گه‌رمى له‌ته‌مه‌نى خۆیدا چێشت ودره‌ختى ژیانیشى به‌ره‌و پیرى ده‌رۆیشت بۆیه‌ ژنێكى دیكه‌ى هێناوه‌راجى له‌م ژنه‌ى دوه‌مى چوار كچ وپێنج كورى بووه‌) راجى له‌گونده‌كانى قوڵقوڵه‌ وخه‌رابه‌و گه‌ڵه‌نێرى سابوراواو كرژه‌و به‌كره‌جۆ به‌مه‌لایه‌تى وكارى جووتیارییه‌وه‌ ژیانى گوزه‌راندووه‌ /تاكو له‌رۆژى شه‌ممه‌ رێكه‌وتى 1969/12/6به‌ هۆى نه‌خۆشییه‌وه‌ كۆچى دواى كرد له‌گۆرستانى به‌كره‌جۆ به‌ خاك سپێردراوه

:نمونه‌یه‌ك له‌هۆنراوه‌كانی

خاک و هەوایەکەی وەتەن، هەر وەکو سەر چوو بە هەبا

کەوتەوە باوەشی ڕەقیب، هەر وەکو قاوت و ڕەشەبا

ئەزانی چۆنە حاڵی دڵ، لەگەڵ گوڵی دەمی وەتەن؟

ڕاستە ئەپشکوون بە خودا، ئەم بە سەبۆ، ئەو بە سەبا

هۆزی بە سۆزی کوردی من، دەمێکە سەر بە زامەوەن

بۆ دەس و باوەشی وەتەن، بێجگە تەما، چ شک دەبا؟

وەختە بخنکێ بێ هەوا، هەناوی بێ شەهیقە وا

خوێناوی پیس و پاکژی، دانەی سپیشی لا ئەبا

سپڵ و زگت چ هاتووە، لە خانە هێندە دانیشی؟

گەڕیدە چەندە چاپوکن، تێتووە ئەپێچن لە عەبا

تۆی وەکو پووش و کا لە شەو، کوردی پەرێشانی وەتەن

دوژمنە کێشای تەمەنت، چاوی خشاندە کارەبا

ئێستە خەریکی چی بڵێی، لەم هەموو ئاوو ئاگرە؟

وا پڕە چاوت لە نم و، هاتووە لووتت بە لەبا

بێکەسی وەک ئێمە وەتەن، خۆشی لە تەبیاتی کەسێ

بێتو بکۆڵێ جگەرت، هەروەکو میکرۆب لە تەبا

بۆ دڵی ڕووناکی چەمەن، نەغمەمە (ڕاجی)، هاتە جۆش

لە مێشکی خۆ دەئاخنن، بیری بەهێزم، ئودەبا‌