خه‌تتی
ده‌وری لێوی ئاڵت ئه‌ی مه‌سیحا لام و بێههر له جامه‌ی سه‌بز ئه‌چی بۆ غه‌ین و نوون و چیم و هێ
غونچه بازاری نه‌زاکه‌ت‌داری و ته‌نگی شکاند
هه‌ر که زاهیر بوو له ده‌وری باغی حوسنت لام و بێ
له‌ب شه‌که‌ر تا که‌ی له حه‌سره‌ت خاڵی موشکینت دڵم
داغدار و خه‌سته بێ وه‌ک لام و ئه‌لف و لام و هێ؟
لاله روخسارم له سایه‌ی ئه‌شکی خوێنین ره‌نگه‌وه
چوونکه رووسوورم له قاپی عه‌ین و شین وقاف و تێ
عیشقت ئه‌ی جانا،منی ریسوایی عاله‌م کردووه
چاکه ئینسافت ببێ بۆ ئه‌لف و سین و تێ و هێ
ئیسته بۆ لاف و گه‌زاف هه‌ر که‌س ده‌بینی عاشقه
نه‌ک هه‌موو که‌س جان فیدا وه‌ک میم و حێ و واو و یێ
مه‌حوی ئه‌مرۆ زۆر نه‌خۆشه قه‌ت شیفای نایێ به هیچ
گه‌ر شیفای بێتن،به بۆیی زوڵف و ئه‌و ئه‌گریجه دێ
مەحوی
ليست هناك تعليقات:
إرسال تعليق