پێش كۆتایی هاتنی خولی ئینگلیزی لێڤه‌رپووڵ و مانچسته‌ر سیتی له كێبڕكێیه‌كی توندان بۆ به‌ده‌ستهێنانی نازناوی پرێمه‌رلیگی ئینگلیزی. هه‌ر یانه و خاوه‌نی 80 خاڵه، ه لێڤه‌رپووڵ و مان سیتی له به‌ده‌ستهێنانی خاڵ یه‌كسانن. گه‌ر بێت هه‌ردوولا له دوو یاریی داهاتووییان سه‌ركه‌وتن ده‌سته‌به‌ركه‌ن، ئه‌وه ڕاسته‌وخۆ مانچسته‌ر سیتی ده‌بێته پاڵه‌وانی پرێمه‌رلیگ، ئه‌مه له‌كاتێكدا مانچسته‌ر سیتی ده‌بێته یه‌كه‌م یانه له مێژووی خولی ئینگلیزی، كه زۆر ترین جار نازناوه‌كه به‌جیاوازی گۆڵ به ده‌ستبهێنێت، دوایی ئه‌وه‌ی 2012 توانی له هه‌فته‌ی كۆتایی و به جیاوازی گۆڵ نازناوه‌كه به‌ده‌ستبهێنێت، كه ئه‌وكات ڕكابه‌ره‌كه‌ی مانچسته‌ر یونایتد بوو له دوا هه‌فته له كوینس پارك ڕینجه‌رزی برده‌وه. له خولی ئینگلیزی گه‌ر خاڵی هه‌ردوو یانه تا كۆتا هه‌فته یه‌كسان بێت، ئه‌وه جیاوازی گۆڵ پاڵه‌وانی وه‌رزه‌كه ده‌ستنیشان ده‌كات، به‌ڵام له خولی ئیسپانی پێوه‌ر بۆ بوون به پاڵه‌وان به ئه‌نجامی یاریی چوون و گه‌ڕانه‌وه‌ی ئه‌و دوو یانه‌یه‌یه، كه به خاڵ تا كۆتا هه‌فته یه‌كسانن. له ئیتاڵیا هه‌ردوو یانه جارێكی دیكه ڕووبه‌ڕوو ده‌بنه‌وه بۆ ده‌ستنیشانكردنی پاڵه‌وانی وه‌رزه. پرسیار ئه‌وه‌یه له‌م له‌م سێ شێوازه شیاوه؟ ئایا ئه‌و پێوه‌ره‌ی ئینگلته‌را بۆ ده‌ستنیشانكردنی پاڵه‌وان بڕیارێكی زاڵمانه نییه به به‌راورد به پێوه‌ره‌كانی خولی ئیسپانی و ئیتاڵی؟ باشه یانه‌یه‌ك كاتێك یارییه‌ك براوه ده‌بێت، یه‌ك گۆڵ بكات و 9 گۆڵ بكات، هه‌ر "خاوه‌نی سێ خاڵه" ئه‌ی ئیتر بۆچی چاره‌نووسی یانه‌یه‌ك به‌درێژایی 8 مانگ خۆ ماندوو كردن چاره‌نووسی ببێته قوربانی ئه‌وه‌ی گۆڵی كه‌می تۆمار كردووه. ئه‌وه ڕاسته، كه ئه‌مه بڕیارێكه پێشوه‌خته هه‌موو یانه‌كانی خولی ئینگلیزی پێی ڕازیبوون، هه‌روه‌ها ئه‌مه‌یش جۆرێكه له نرخاندنی توانایی لێهاتوویی هێڵی هێرشبه‌ریی و تۆكمه‌یی هێڵی به‌رگری، كه جیاوازی گۆڵ پاڵه‌وانی وه‌رز ده‌ستنیشان ده‌كات، به‌ڵام،ئه‌وه سروشتی یارییه، زۆر كه‌ڕه‌ت تۆ هه‌موو تێكۆشانێكت بۆ به‌ده‌ستهێنانی سێ خاڵی یارییه‌كه‌یه، بۆیه په‌نا ده‌به‌یته به‌ر كات به فیڕۆدان و له‌كاتی گۆڵ تۆمار كردندا به‌رگریی له گۆڵه‌كه‌ت ده‌كه‌یت، واته ناكرێت هه‌موو یارییه‌ك بیر له ڕێژه‌یه‌كی به‌رزیی گۆڵ تۆمار كردن بكه‌یته‌وه، چونكه یانه‌كان له ئینگلته‌را ئامانیان نییه و ئاستی زۆربه‌یان له‌یه‌كه‌وه نزیكه. به‌كورتی بۆئه‌وه‌ی ڕه‌نجی هه‌م لێڤه‌رپووڵ به‌فیڕۆ نه‌ڕوات باشتر وا بوو، له‌ساتی یه‌كسانبوونی خاڵی نێوان دوو یانه‌ی ڕكابه‌ر هه‌ردوو یانه‌یه به‌چه‌شنی یاساكه‌ی ئیتاڵیا جارێكی دیكه بۆ سه‌لماندنی توانایی حه‌قیقی خۆیان یارییه‌كی دیكه‌یان ئه‌نجام بدایه بۆ
ده‌ستنیشانكردنی پاڵه‌وانی وه‌رز
نوسینی : ئەحمەد سەنگاوی
ليست هناك تعليقات:
إرسال تعليق