له خولی ئیسپانیا و ئینگلته‌را كێبڕكێیه‌كی سه‌خت و ماندووكه‌ر هه‌ر درێژه ده‌كێشێت. كێبڕكێیه‌ك، به‌كه‌ڵكی ئه‌وه نایه‌ت بچوكترین هه‌ڵه‌ی تێدا بكه‌یت. یه‌ك هه‌ڵه به‌سه بۆ ئه‌وه‌ی هه‌موو ماندووبوون و ته‌قه‌للای وه‌رزه‌كه‌ت به‌هه‌ده‌ر بچێت و ده‌رفه‌تی پاڵه‌وان بوونت له‌كیسی خۆت بده‌یت. كێبڕكێیه‌ك، پێشه‌نگه‌كان چه‌ند ئه‌ركیان زه‌حمه‌ته، چه‌ند ڕكابه‌ره‌كه‌كانیان سه‌رسه‌ختانه و پشوودرێژانه له‌گه‌ڵیان جه‌نگاون و گۆڕه‌پانه‌كه‌یان بۆ چۆڵ نه‌كردوون و هه‌ر به‌دوایانه‌وه‌ن و چاوه‌ڕوانن پێیه‌كی خوار دابنێن، به‌ڵام له‌گه‌ڵ هه‌موو ئه‌م ترس و كێشه‌ی به‌دواكه‌وتنه‌شدا، پێشه‌نگه‌كان پێویستییان به ئاوڕدانه‌وه نییه، واته ئه‌م مان سیتی و هه‌م ئه‌تله‌تیكۆ مه‌درید، نه پێویستیان به‌وه‌یه ئاوڕ له ڕكابه‌ره‌كانیان بده‌نه‌وه، نه ترسیان له‌وه‌یه ڕكابه‌ره‌كانیان بیان گرنه‌وه، نه پێویستیان به‌وه‌یه بیر له ئه‌نجامی یاریی ڕكابه‌ره‌كانیان بكه‌نه‌وه، نه چاره‌نووسیان به ده‌ست ڕكابه‌ره‌كانیانه‌وه‌یه، به‌ڵكوو چاره‌نووسی خۆیان به ده‌ستی خۆیانه، نه‌وه‌ك نه‌یاره‌كانیان، ئه‌وه ڕیاڵ مه‌دریده چاوی بڕیوه‌ته شكستی ئه‌تله‌تیكۆ مه‌درید، چونكه به خاڵ له‌دوایه، ئه‌وه لێڤه‌رپووڵه چاوی بڕیوه‌ته یاریی مان سیتی و خه‌ون به شكست، یان یه‌كسانبوونی مان سیتییه‌وه ده‌بینێت، نه‌وه‌ك به پێچه‌وانه‌وه، ئاخر مانچسته‌ر سیتی هه‌ر ئه‌وه‌نده دوو یاریی داهاتوویی برده‌وه، پێویستی به ئاوڕدانه‌وه نییه له دوا. هه‌مان لۆژیك بۆ ئه‌تله‌تیكۆ مه‌دریدیش ڕاسته.
نوسینی: ئەحمەد سەنگاوی
ليست هناك تعليقات:
إرسال تعليق